№1 облыстық перинаталдық орталығы – Қазақстандағы ең ірі мамандандырылған медициналық ұйымдардың бірі әрі Түркістан өңіріне қызмет көрсететін жетекші перинаталдық орталық.

Орталықта жыл сайын шамамен 9,5 мың босану қабылданады. Мұнда жоғары қауіп тобына жататын жүкті әйелдерге, ауыр акушерлік және экстрагениталдық патологиясы бар пациенттерге жоғары мамандандырылған медициналық көмек көрсетіліп, күрделі акушерлік операциялар мен оперативтік босандырулар жүргізіледі.

№1 облыстық перинаталдық орталығы перинаталдық көмекті өңірлендірудің III деңгейіндегі медициналық ұйым болып табылады және Түркістан облысының сегіз әкімшілік аумағына әдістемелік әрі мамандандырылған қолдау көрсетеді. Атап айтқанда, орталық Шардара, Келес, Сарыағаш, Қазығұрт, Ордабасы, Төлеби және Түлкібас аудандары, сондай-ақ Леңгір қаласына қызмет көрсетеді. Аталған аумақтардан жүкті әйелдер мамандандырылған және жоғары технологиялық медициналық көмек алу үшін, оның ішінде жоспарлы және шұғыл босандыру мақсатында орталыққа жолданады.

Орталықтың қызметі тек босандырумен ғана шектелмейді. №1 облыстық перинаталдық орталығының мамандары әйелдер мен нәрестелерге босанғаннан кейінгі кезеңде кешенді медициналық бақылау жүргізіп, медициналық көмектің барлық кезеңдерінде оның үздіксіздігін қамтамасыз етеді.

Әсіресе, шала туған нәрестелер мен қарқынды терапияны қажет ететін жаңа туған сәбилерді күтіп-бағуға ерекше көңіл бөлінеді. Орталық заманауи медициналық жабдықтармен толық қамтамасыз етілген және қолданыстағы клиникалық стандарттарға сәйкес жаңа туған нәрестелерге жоғары технологиялық реанимациялық көмек көрсетеді..

Орталық акушерия, гинекология және неонатология салаларындағы озық медициналық технологияларды тиімді қолдануға мүмкіндік беретін заманауи диагностикалық, емдік және реанимациялық жабдықтармен толық жабдықталған. Медициналық көмек қолданыстағы клиникалық хаттамалар мен дәлелді медицина қағидаттарына сәйкес көрсетіледі.

№1 облыстық перинаталдық орталығында жоғары білікті акушер-гинеколог дәрігерлер, неонатологтар, анестезиолог-реаниматологтар, ультрадыбыстық диагностика мамандары, трансфузиологтар, клиникалық фармакологтар, мейіргерлер мен акушерлер еңбек етеді. Мамандардың кәсіби біліктілігі, заманауи медициналық технологияларды кеңінен қолдануы, үздіксіз кәсіби даму мен біліктілікті арттыруға ұмтылысы, сондай-ақ мультидисциплинарлық тәсілді тиімді енгізуі медициналық көмектің жоғары сапасы мен қауіпсіздігін қамтамасыз етуге мүмкіндік береді.

Орталық қызметінің негізгі мақсаты – ана мен баланың өмірі мен денсаулығын сақтау, ана мен нәресте арасындағы сырқаттанушылық пен өлім-жітім көрсеткіштерін төмендету, мамандандырылған медициналық көмектің сапасы мен қолжетімділігін арттыру, диагностика, емдеу және профилактиканың заманауи әдістерін енгізу, сондай-ақ қауіпсіз ана болу мен балалық шақ жүйесін одан әрі дамыту.

2026 жылы «Беделді перзентхана» атағына ие болды.
      

2024–2027 жылдар аралығында ұлттық аккредиттеудің жоғары санатына ие. 

. 2022 жылы Қазақстан Республикасы бойынша «ALTYN SHIPAGER 2022» ұлттық байқауында ең үздік босандыру ұйымы атанды.

2001 жылдан бері «Ана мен балаға достық қарым-қатынас орнатқан аурухана» мәртебесіне ие.

2020 жылы Түркістан облысының "Ең үздік медициналық ұйымы" атанған